Jer 3 | Ndebele | STEP | Kuthiwa: Uba indoda ilahla umkayo, asuke kuyo, abe ngowenye indoda, izabuyela kuye futhi yini? Lelolizwe belingayikungcoliswa kakhulu yini? Kanti wena ufebile le zithandwa ezinengi; kodwa buyela kimi, itsho iN kosi .

1 Kuthiwa: Uba indoda ilahla umkayo, ^a asuke kuyo, abe ngowenye indoda, izabuyela kuye futhi yini? ^b Lelolizwe belingayikungcoliswa kakhulu yini? ^c Kanti wena ufebile lezithandwa ezinengi; ^d kodwa buyela kimi, ^e itsho iNkosi. 2 Phakamisela amehlo akho emadundulwini, ^f ubone; kungaphi lapho ongalalwanga khona? Ezindleleni wabahlalela, ^g njengomArabhiya enkangala; njalo ulingcolisile ilizwe ngobufebe bakho langenkohlakalo yakho. ^h 3 Ngakho izihlambo zigodliwe; ⁱ njalo lalingekho izulu langemuva; ^j njalo waba lebunzi lewule, ^k wala ukuba lenhloni. ^l 4 Kawuyikuthi kusukela khathesi ukhale yini kimi uthi: Baba, ungumeluleki ^m wobutsha bami? ⁿ 5 Yena uzalugcina yini ulaka lwakhe phakade? ^o Uzalulondoloza kuze kube sekucineni yini? Khangela, ukhulumile, wenza izinto ezimbi, uphumelele.

UIsrayeli loJuda bacelwa ukuphenduka

6 INkosi yasisithi kimi ensukwini zikaJosiya inkosi: Ubonile yini lokho uIsrayeli ohlehlele nyovane akwenzileyo? ^p Yena waya kuyo yonke intaba ephakemeyo, langaphansi kwaso sonke isihlahla esiluhlaza, ^q waphingela khona. ^r 7 Ngasengisithi esezenzile zonke lezizinto: ^s Buyela kimi; ^t kodwa kabuyelanga. Lodadewabo ongathembekanga ^u uJuda wakubona lokho. ^v 8 Ngasengibona, lapho ngenxa yazo zonke imbangela ^w uIsrayeli ohlehlela nyovane aphinga ngazo, ^x ngamxotsha ngamnika ^y incwadi yesehlukaniso, ^z ukuthi udadewabo ongathembekanga, uJuda, kesabanga, ^aa kodwa laye wayafeba. ^ab 9 Kwasekusithi ngenxa yendumela yokufeba kwakhe wangcolisa ilizwe, ^ac waphinga lamatshe lezihlahla. ^ad 10 Kube kanti kukho konke lokhu udadewabo ongathembekanga, uJuda, kabuyelanga kimi ngenhliziyo yakhe yonke, ^{ae
,} ^af kodwa ngenkohliso, itsho iNkosi. 11 INkosi yasisithi kimi: UIsrayeli ohlehlela nyovane ^ag uzilungisise ^ah kuloJuda okhohlisayo. ^ai

12 Hamba uyememezela lamazwi ngasenyakatho ^aj uthi: Phenduka, ^ak Israyeli ohlehlela nyovane, ^al itsho iNkosi. Kangiyikwenza ulaka lwami lwehlele phezu kwakho, ^am ngoba ngilesihawu, ^an itsho iNkosi, njalo kangiyikugcina ulaka lwami kuze kube phakade. ^ao 13 Yazi kuphela isiphambeko sakho ukuthi uphambekile umelene leNkosi uNkulunkulu wakho, ^ap wahlakaza izindlela zakho ^aq kwabezizweni ^ar ngaphansi kwaso sonke isihlahla esiluhlaza, ^as njalo kawulalelanga ilizwi lami, ^at itsho iNkosi.

14 Phendukani, ^au bantwana abahlehlela nyovane, ^av itsho iNkosi, ngoba mina ngiliganile; njalo ngizalithatha, ^aw abe munye emzini, ^ax lababili kulo usendo, ngililethe eZiyoni. ^ay 15 Njalo ngizalinika ^az abelusi njengokwenhliziyo yami, ^ba abazalelusa ngolwazi lokuqedisisa. ^bb 16 Kuzakuthi-ke lapho selandile laba banengi elizweni, ngalezonsuku, itsho iNkosi, kabasayikuthi: Umtshokotsho wesivumelwano seNkosi; njalo kawuyikufika enhliziyweni, njalo kabayikuwukhumbula, futhi kabayikuwuhambela, kungabuyi kwenziwe futhi. 17 Ngalesosikhathi bazabiza iJerusalema ngokuthi yisihlalo sobukhosi seNkosi; lezizwe zonke zizabuthaniswa kuyo, ^bc ngebizo leNkosi, ^bd eJerusalema; futhi kazisayikulandela inkani yenhliziyo yazo embi. ^be 18 Ngalezonsuku indlu yakoJuda izakuya kuyo indlu yakoIsrayeli, ^bf ziphume kanyekanye elizweni lenyakatho, ^bg zize elizweni engalinika oyihlo libe yilifa labo. ^bh 19 Kodwa mina ngathi: Ngizakubeka njani phakathi kwabantwana, ngikunike ilizwe eliloyisekayo, ilifa elihle kakhulu lezizwe. Ngasengisithi: Uzangibiza ^bi ngokuthi: Baba; njalo ungaphambuki ekungilandeleni.

20 Isibili, njengomfazi ungathembekanga kumkakhe, ^bj ngokunjalo kalithembekanga kimi, ^{bk
,} ^bl lina ndlu kaIsrayeli, itsho iNkosi. 21 Ilizwi lezwakala emadundulwini, ^bm ukukhala lokuncenga kwabantwana bakoIsrayeli, ^bn ngoba bephambule indlela yabo, bayikhohlwa iNkosi uNkulunkulu wabo. ^bo 22 Phendukani, lina bantwana abahlehlela nyovane; ^bp ngizakwelapha ^bq ukuhlehlela nyovane kwenu. ^br Khangela, thina siyeza kuwe, ngoba uyiNkosi uNkulunkulu wethu. 23 Isibili kuyize ukuthembela kusindiso oluvela emaqaqeni, lebunengini bezintaba. ^bs Isibili luseNkosini uNkulunkulu wethu usindiso lukaIsrayeli. ^bt 24 Ngoba ihlazo liwuqedile ^bu umtshikatshika wabobaba kusukela ebutsheni bethu, ^bv izimvu zabo lenkomo zabo, amadodana abo lamadodakazi abo. 25 Silala phansi ehlazweni lethu, lenhloni zethu zisimbozile; ^bw ngoba sonile eNkosini uNkulunkulu wethu, ^bx thina labobaba, kusukela ebutsheni bethu kuze kube lamuhla, ^by njalo kasilalelanga ilizwi leNkosi uNkulunkulu wethu. ^bz